Xalq deputatlari Bag‘dod tumani Kengashining "6-Zafarobod" saylov okrugi deputati M.Ergashev tomonidan “Zafarobod” mahalla fuqarolar yig‘inining “Moxitabon” ko‘chasida ichimlik suvi ta’minotini yaxshilash maqsadida mavjud suv qudug‘i va suv minorasining texnik holatini o‘rganish, zarur ta’mirlash ishlarini amalga oshirish yoki mavjud inshootdan foydalanish imkoniyati bo‘lmagan taqdirda yangi suv minorasi o‘rnatish yuzasidan 2026-yil 17-avgust kuni 64-ds-287-26-sonli deputat so‘rovi yuborilgan edi.

✅Mazkur deputat so‘roviga Bag‘dod tumani hokimining o‘rinbosari U.Yigitaliyev tomonidan rasmiy javob xati taqdim etildi.

✅O‘rganishlar davomida “Zafarobod” MFY hududidagi “Moxitobon” ko‘chasida 1977-yilda qazilgan ichimlik suvi qudug‘iga o‘rnatilgan suv minorasining texnik holati qoniqarsiz va ta’mirtalab ekanligi aniqlangan.

✅Mazkur ichimlik suvi inshooti “Farg‘ona suv ta’minoti” AJ Bag‘dod tuman bo‘limi tasarrufida bo‘lib, inshootning avariya holatiga kelib qolganligi sababli uni qayta tiklash va ta’mirlash ishlari bosqichma-bosqich olib borilmoqda.

✅ Hozirgi kunda suv minorasida kosmetik bo‘yash ishlari amalga oshirilgan bo‘lib, “Farg‘ona suv ta’minoti” AJ Bag‘dod tuman bo‘limi tomonidan mazkur inshootni mukammal ta’mirlash ishlarini 2026-yil sentabr oyi yakuniga qadar to‘liq yakunlash ma’lum qilingan.