Xalq deputatlari Xorazm viloyati Kengashining 2026-yil 29-yanvardagi VII-17-10-12-0-K/26-son qaroriga 1-ilova bilan tasdiqlangan “Manzilli dastur” doirasida Shovot tumanida qator bunyodkorlik va obodonlashtirish loyihalari amalga oshirilmoqda.
Jumladan, Bunyodkor MFY hududidan o‘tgan R. Polyazov zovurining 0,6 km qismini yopiq-yotiq drenaj qilish orqali ko‘ngilochar va xizmat ko‘rsatish maskani tashkil etish loyihasi amalga oshirilmoqda.
Mazkur loyiha Xalq deputatlari Shovot tumani Kengashi kotibiyati mudiri Masharipov Izzat Masharipovich hamda kotibiyat bosh mutaxassisi Ruzmetov Umrbek Shavkatovich hamkorligida joyiga chiqib o‘rganildi.
Ayni paytda loyiha doirasidagi ishlar boshlab yuborilgan bo‘lib, loyihaning umumiy qiymati 2,7 milliard so‘mni tashkil etadi.
Loyiha doirasida:
·         zovurning 0,6 km qismini yopiq-yotiq drenaj qilish;
·         piyodalar yo‘lagini barpo etish;
·         tungi yoritish chiroqlarini o‘rnatish;
·         hududning elektr ta’minotini yaxshilash;
·         aholi uchun zamonaviy ko‘ngilochar va xizmat ko‘rsatish maskanini tashkil etish
kabi ishlarni amalga oshirish belgilangan.
Ushbu loyihaning sifatli va o‘z vaqtida amalga oshirilishi hududning obodonlashtirilishiga, aholi uchun qulay sharoitlar yaratilishiga hamda zamonaviy xizmat ko‘rsatish infratuzilmasini rivojlantirishga xizmat qiladi.
Deputatlar tomonidan hududda qonun hujjatlari va xalq deputatlari Kengashi qarorlarining davlat organlari tomonidan ijro etilishi ustidan doimiy nazorat olib borilmoqda.