🌱 Suv resurslaridan samarali foydalanish masalasi o‘rganildi

Xalq deputatlari Sherobod tumani Kengashining ish rejasiga muvofiq, Agrar, suv xo‘jaligi va ekologiya masalalari bo‘yicha doimiy komissiya majlisi o‘tkazildi.

Yig‘ilishda tumandagi irrigatsiya tizimlarining samarali ishlashi, suv resurslaridan oqilona foydalanish hamda suv tejovchi sug‘orish texnologiyalarini joriy etish holati muhokama qilindi.

O‘rganish davomida ayrim sug‘orish kanallarining ta’mirtalab holatga kelgani, suv yo‘qotishlarining oldini olish va qishloq xo‘jaligi maydonlarini barqaror suv bilan ta’minlash masalalariga alohida e’tibor qaratildi.

Shuningdek, mavjud muammolarni bartaraf etish, irrigatsiya tizimlarini yaxshilash hamda suvdan samarali foydalanishni ta’minlash bo‘yicha tegishli takliflar ko‘rib chiqildi.

📌 Kun tartibidagi masala yuzasidan doimiy komissiyaning tegishli qarori qabul qilindi.

Mazkur qaror orqali hududda suv resurslaridan oqilona foydalanish, irrigatsiya tizimlarining samaradorligini oshirish va aniqlangan muammolarni bartaraf etish bo‘yicha amaliy choralarni kuchaytirish belgilandi.