Yo‘llar ravonligi — aholi farovonligi yo‘lida

Xalq deputatlari Pastdarg‘om tuman Kengashining 2026-yil 6-apreldagi VII-25-40-7-101-K/26-sonli qarori hamda Vazirlar Mahkamasining 665-sonli qarori asosida hududlarda ichki yo‘llarni yaxshilash bo‘yicha amaliy ishlar olib borilmoqda.

Jumladan, deputat N.Dusmurodov tashabbusi bilan Mang‘itobod MFY Yaxshi Niyat ko‘chasining 920 metr, Parcha Chandir MFY Mulla Qishloq guzari 500 metr, Nov Chandir MFY Qabriston ko‘chasi 500 metr hamda Parcha Qora qishlog‘i Bek To‘p guzari 550 metr qismida asfalt qoplamasi yotqizish ishlari amalga oshirilmoqda.

Ayni kunlarda mazkur yo‘llarda asfaltlash ishlariga tayyorgarlik jarayoni, ya’ni yo‘l asosini tayyorlash va tekislash ishlari olib borilmoqda.

Deputat tomonidan amalga oshirilayotgan ishlar sifati va belgilangan muddatlarda yakunlanishi yuzasidan nazorat ishlari davom ettiriladi.