#okrugda_o'rganish #sessiya 8-MAKTABNING YANGI O‘QUV YILIGA TAYYORGARLIGI O‘RGANILDI
Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan tumanda yoshlarga oid davlat siyosatining amalga oshirilishi, “Yoshlarga oid davlat siyosati to‘g‘risida”gi Qonun ijrosining ta’minlanishi, bitiruvchilarning oliy ta’lim muassasalariga kirish ko‘rsatkichlarining 2 yillik tahlili hamda ijtimoiy soha obyektlarining kuz-qish mavsumiga tayyorgarligi masalalari yuzasidan hududlarda o‘rganishlar davom etmoqda.
🔎 Mazkur yo‘nalishlar doirasida xalq deputatlari Pastdarg‘om tumani Kengashi deputati D.Mardonova tomonidan o'z hududidagi umumta’lim maktablarining yangi o‘quv yiliga tayyorgarlik holati o‘rganildi.
O‘rganish davomida maktabda o‘quvchilar uchun yaratilgan sharoitlar, sinf xonalari, moddiy-texnik baza, sanitariya-obodonlashtirish holati hamda yangi o‘quv yilini munosib kutib olishga tayyorgarlik ishlari ko‘zdan kechirildi.
Shuningdek, ta’lim jarayonini sifatli tashkil etish, o‘quvchilar uchun xavfsiz va qulay muhit yaratish hamda aniqlangan kamchiliklarni bartaraf etish masalalariga alohida e’tibor qaratildi.
📚 Yangi o‘quv yili — yangi maqsadlar, yangi imkoniyatlar!
Sifatli ta’lim uchun munosib sharoit yaratish — doimiy e’tiborda.