🌿 Májiliste ekologiyalıq turaqlılıqtı támiyinlew, qorshaǵan ortalıqtı qorǵaw, tábiyiy baylıqlardan aqıllı paydalanıw hám ekologiyalıq mádeniyattı rawajlandırıw baǵdarında ámelge asırılıp atırǵan jumıslar keń túrde talqılandı.
📋 Kún tártibine muwapıq, Qaraqalpaqstan Respublikası Ekologiya, qorshaǵan ortalıqtı qorǵaw hám ıqlım ózgeriwi ministrliginiń Shomanay rayonı bólimi tárepinen 2026-jıl II sheregi dawamında ámelge asırılǵan jumıslar haqqında esabat tıńlandı.
♻️ Esabatta rayon aymaǵında ekologiyalıq jaǵdaydı jaqsılaw, nızam buzılıw jaǵdaylarınıń aldın alıw, qorshaǵan ortalıqtıń pataslanıwına qarsı gúresiw, «Jasıl mákan» ulıwma milliy jobaları sheńberinde ámelge asırılǵan jumıslar hám ekologiyalıq qadaǵalawdı kúsheyttiriw boyınsha erisilgen nátiyjeler haqqında maǵlıwmat berildi.
🌱 Sonday-aq, tábiyatqa zıyan jetkiziwdiń aldın alıw, qattı turmıslıq shıǵındılardı basqarıw, puqaralar arasında ekologiyalıq mádeniyattı qáliplestiriw hám ekologiyalıq nızamshılıq talaplarınıń orınlanıwın támiyinlew máselelerine ayrıqsha itibar qaratıldı.
💬 Esabat tıńlanǵannan soń turaqlı komissiya aǵzaları tárepinen máseleler boyınsha pikir almasıwlar bolıp, jumıslardıń nátiyjeliligin arttırıw, anıqlanǵan kemshiliklerdi saplastırıw hám ekologiyalıq qáwipsizlikti jáne de bekkemlew boyınsha tiyisli usınıslar hám pikirler bildirildi.
✅ Kún tártibindegi másele boyınsha tiyisli sheshimler qabıl etilip, turaqlı komissiyanıń juwmaqları tastıyıqlandı.
📑 Talqılanǵan máselelerdi Xalıq deputatları Shomanay rayonı Keńesiniń gezektegi sessiya májilisinde kórip shıǵıw ushın usınıs etiw haqqında tiyisli qarar qabıl etildi.
🤝 Tábiyattı qorǵaw, ekologiyalıq tazalıqtı saqlaw, jasıl zonalardı kóbeytiw hám keleshek áwlad ushın qolay ekologiyalıq ortalıq jaratıw boyınsha jumıslar izbe-iz dawam ettiriledi.