Deputat Kegeyli kanalınıń Bes-jap tarnawı suw sarplaw jaǵdayın úyrendi

♻️ Xalıq deputatları Shımbay rayonlıq Keńesi sekretariat baslıǵı M.Zarikeev Kegeyli kanalınıń Bes-jap tarnawı suw sarpı hám suw menen támiyinleniw jaǵdayı menen tanıstı.

Úyreniw dawamında Kegeyli kanal Bes-jap tarnawı arqalı 27987 ga awıl xojalıǵı jerlerine jetkerip berilip atırǵan suw kólemi, suwdı ádil hám nátiyjeli bólistiriw, irrigaciya tarmaqlarınıń jaǵdayı, sonday-aq, diyqanshılıq máwsiminde suwdan únemli paydalanıw máseleleri úyrenildi.

Deputat taraw qánigeleri menen birgelikte suwdıń óz waqtında jetkerip beriliwin támiyinlew, suw shıǵınların qısqartıw hám meliorativlik jaǵdaydı jaqsılaw boyınsha ámelge asırılıp atırǵan jumıslar menen tanısıp, bul baǵdardaǵı jumıslardı turaqlı qadaǵalaw astında alıp barıw zárúrligin atap ótti.