18-Hazortut saylov okrugi deputati M.Jumayeva tomonidan aholi bandligini ta’minlash, xotin-qizlarning daromad manbaini oshirish hamda tadbirkorlik faoliyatini qo’llab-quvvatlash maqsadida O’tabek MFY hududida faoliyat yuritayotgan tikuvchilik sexi faoliyati o’rganildi.
Tashrif davomida sexda yaratilgan shart-sharoitlar, ishlab chiqarish jarayonlari hamda xodimlarning mehnat faoliyati bilan yaqindan tanishildi. Quvonarlisi, mazkur tikuvchilik sexida 20 ta yangi ish o’rni yaratilgan bo’lib, ushbu ish o’rinlariga ijtimoiy himoyaga muhtoj bo’lgan xotin-qizlar jalb etilgan. Bu esa aholi bandligini ta’minlash, oilalarning daromadini oshirish va ularning ijtimoiy qo’llab-quvvatlanishiga xizmat qilmoqda.
Suhbatlar davomida xodimlarning fikr-mulohazalari tinglanib, faoliyatni yanada kengaytirish, qo’shimcha ish o’rinlari yaratish hamda xotin-qizlar bandligini ta’minlash bo’yicha taklif va tashabbuslar muhokama qilindi. Deputat tomonidan bu kabi tadbirkorlik subyektlarini qo’llab-quvvatlash va aholi bandligini ta’minlash masalalari doimiy e’tiborda ekanligi ta’kidlandi.