Тадбирни ўтказишдан асосий мақсади, партия ғоя-мақсадларини аҳоли орасида кенг тарғиб қилиш, дастурий вазифаларини амалга ошириш, электорат манфаатларини ҳимоя қилиш, ижтимоий бирдамликни кучайтиришга, ногиронлиги бўлган шахсларнинг ҳаёт сифатини яхшилашга ва уларга кўмак бериш маданиятини шакллантиришдан иборат. 

Тадбирда Ўзбекистон ХДП Қорақалпоғистон Республикаси Кенгаши раиси ўринбосари М.Есенгелдиев, Халқ депутатлари Чимбой туман Кенгашидаги партия гуруҳи аъзолари А.Утепбергенова, Д.Ажимуратов, Х.Абдижалиев, А.Есемуратов, Чимбой туман партия кенгаши раиси С.Нурмамбетовлар “Мурувват” ногиронлиги бўлган шахслар учун эркаклар интернат уйи тиббиёт ходимлари ва тарбияланувчиларини Наврўз байрами билан табрикладилар.

Хайрия тадбирида ногиронлиги бўлган шахсларга ғамхўрлик кўрсатиш, уларнинг ижтимоий ҳаётдаги фаоллигини ошириш, моддий ва маънавий қўллаб-қувватлаш мақсадида Чимбой “Мурувват” ногиронлиги бўлган шахслар учун эркаклар интернат уйи тарбияланувчиларига Халқ депутатлари Чимбой туман Кенгашидаги партия гуруҳи ҳомийлигида кийим-кечаклар совға қилинди.