Xalq vakillari bo‘lgan deputatlar joylarda o‘zlari saylangan hudud saylovchilari bilan yuzma-yuz muloqot qilish orqali ko‘tarilgan murojaatlarni bartaraf etishda tashabbus ko‘rsatmoqda. Jumladan, Xalq deputatlari Parkent tumani Kengashiga 4-Bo`ston saylov okrugidan saylangan deputat Usipxodjayev Yerlan Ormanovich ham o‘zi saylangan mahalla fuqarolar yig‘ini hudud saylovchilari bilan uchrashdi. Unda mahalla aholisi tomonidan tuman markaziga doimiy qatnovchi avtobus qo`yilishi bo‘yicha murojaat etilgan edi.Mazkur mahalla bugungi kunda tumanimizning chekka xududi bo`lib tuman markaziga borish aholi uchun bir muncha noqulayliklar keltirib chiqarayotgandi. Ayniqsa, bolalarning maktabga qatnashida qiyinchilik tug‘dirayotgan edi.Deputat muammoni atroflicha o‘rganib chiqdi. Natijada xalq vakilining tashabbusi bilan mahalla faollari bilan birgalikda mutasaddi tashkilotga murojaat etilib aholini qiynab kelayotgan muammo xalq vakili yordamida ijobiy hal etildi.