Xalq deputatlari Karmana tumani Kengashiga O‘zLiDePdan 13-Karmana saylov okrugi bo‘yicha saylangan deputat Halilova Tursunoy Abduhalimovna tomonidan xotin-qizlarni har tomonlama qo‘llab-quvvatlash, xususan, o‘quvchi-qizlarning bandligini ta’minlash va ularni kasb-hunarga o‘rgatish borasida tizimli ishlar amalga oshirilmoqda.
Xususan, deputat T.Halilova hamda “Beshkent” MFY xotin-qizlar faoli hamkorligida, mahallalardagi maktab bitiruvchi qizlarini zamonaviy kasblarga yo‘naltirish maqsadida maxsus loyiha tashkil etildi. Loyiha doirasida “Beshkent” va “Farhod” mahallasida istiqomat qiluvchi o‘quvchi-qizlar “BAXT QASRI” o‘quv markazi tomonidan “Yordamchi tarbiyachi” kasbi bo‘yicha bepul o‘qitildi.
davomida qizlar tarbiyachilik kasbining o‘ziga xos sir-asrorlari, bolalar bilan ishlash metodikasi hamda kelajakda oilada farzand tarbiyasi uchun zarur bo‘lgan muhim bilim va psixologik ko‘nikmalarga ega bo‘lishdi.
Tantanali yakun va rag‘bat: O‘quv kursini muvaffaqiyatli tamomlagan o‘quvchi-qizlarga sertifikat va faxriy yorliqlar topshirildi. Mazkur marosimda “BAXT QASRI” o‘quv markazi direktori M.Raxmatova, o‘qituvchi, trener-psixolog G.Aslonova hamda maktab maslahatchisi D.Djurayevalar hamkorlikda ishtirok etishdi.

Tadbirda o‘quv jarayonida alohida faollik ko‘rsatgan qizlar deputat va tashkilotchilar tomonidan esdalik sovg‘alari bilan rag‘batlantirildi. Shuningdek, farzandlarining ilm va kasb egallashiga sharoit yaratib bergan ota-onalarga alohida tashakkurnomalar topshirildi.
Deputat T.Halilovaning ta’kidlashicha, qiz bola kasb-hunarli bo‘lsa, jamiyatda o‘z o‘rnini topishi va kelajakda ma’rifatli ona bo‘lib voyaga yetishi juda oson kechadi. Shu bois, hududlarda o‘quvchi-qizlarni kasbga o‘rgatish ishlari kelgusida ham izchil davom ettiriladi.