Zarafshon mahallasida xotin-qizlar faoli Farida Ubaydullayeva tashabbusi bilan Yangiravot qishlog‘ida yashovchi fuqaro Saodat Zaynitdinova xonadoni misolida obod xonadon, tomorqa madaniyati va obodonlashtirish ishlarini amalga oshirish yuzasidan targ‘ibot tadbiri o‘tkazildi.

Mahallaning faol ayollari, OSHP hamshiralari, tuman IIB boshlig‘ining xotin-qizlar masalalari bo‘yicha o‘rinbosari D.Eshonqulova, targ‘ibot guruhi rahbari D.Adilova, tuman bosh otinoyisi Sh.Hakimovalar ishtirokida o‘tkazilgan mazkur tadbirda so‘zga chiqqan Oqdaryo tuman hokimi o‘rinbosari Y.O‘roqova xonadon gigiyenasi, obodonlashtirish ishlarini qanday tartibda amalga oshirish borasida o‘z tavsiyalarini berib o‘tdi. Shuningdek, tuman IIB xodimi D.Eshonqulova so‘zga chiqib, ayollar tomonidan sodir etilayotgan jinoyatlarni oldini olish borasida so‘z yuritdi.