Toyloq tumanidagi 47-umumta’lim maktabida moddiy-texnik baza holati, obodonlashtirish ishlari hamda “Yashil makon” umummilliy loyihasi doirasida amalga oshirilgan va oxirigacha yetkazilmagan ishlar o‘rganildi. 

Xususan, sinfxonalardagi holatlar, obodonlashtirish ishlarining sustligi, shuningdek, isitish tizimining holati jiddiy tanqid ostiga olindi. Mazkur kamchiliklar ta’lim jarayoniga salbiy ta’sir ko‘rsatishi qayd etildi.

O‘rganish davomida Toyloq tumani hokimi tuman Kengashi rayisi Behzod Raxmatullayev hamda tuman hokimi o‘rinbosari To‘lqin Gulmuradov mas’ul rahbarlarga aniqlangan kamchiliklarni qisqa muddatda bartaraf etish bo‘yicha aniq topshiriqlar berdi. Shuningdek, maktabda o‘quvchilar uchun qulay, tartibli va xavfsiz ta’lim muhitini yaratish zarurligi alohida ta’kidlandi.

Mazkur masalalar ijrosi doimiy nazoratga olinishi bildirildi.