Deputat tomonidan ta’lim muassasalarida kuz-qish mavsumiga tayyorgarlik holati o‘rganildi

Yurtimizda ta’lim tizimini yanada rivojlantirish, o‘quvchi va tarbiyalanuvchilarga qulay sharoitlar yaratish, shuningdek, ta’lim muassasalarining kuz-qish mavsumiga tayyorgarligini ta’minlash borasida izchil ishlar olib borilmoqda. Shu maqsadda Xalq deputatlari O‘rta Chirchiq tuman Kengashi deputati D.Zulyorova tomonidan hududdagi 23-umuta’lim maktabi va 8-maktabgacha ta’lim muassasalarida o‘rganish ishlari olib borildi. Tashrif davomida deputat muassasalarning binolari, isitish tizimi, tom qismi, deraza va eshiklarning holati, elektr tarmoqlari, ichimlik suvi va kanalizatsiya tizimlarining ishlash darajasi bilan yaqindan tanishdi. Shuningdek, o‘quv xonalari va bolalar guruhlarining gigiyena talablariga muvofiqligi, xavfsizlik qoidalariga rioya etilishi, dars va mashg‘ulot jarayonlari uchun zarur bo‘lgan o‘quv jihozlari bilan ta’minlanish holati ham ko‘zdan kechirildi.

Xalq deputatlari O'rta Chirchiq tuman Kengashi!