Bugun 5-aprel kuni Paxtachi tumani 2-sektor shtabida Xalq deputatlari Samarqand viloyat Kengashi deputati Yodgorbek Jo‘rayev o‘z saylovchilari oldida 2025-yilning birinchi choragida amalga oshirgan faoliyati yuzasidan hisobot berdilar.

Uchrashuv davomida deputatlar o‘z saylov okruglari doirasida olib borgan ishlari, aholi murojaatlariga ko‘ra mas’ul tashkilotlarga yuborilgan deputatlik so‘rovlari, ularning ijrosi natijalari, hududiy ijtimoiy-iqtisodiy dasturlar amalga oshirilishi, viloyat Kengashining sessiyaviy faoliyati doirasida ko‘rib chiqilgan masalalar haqida batafsil ma’lumot berdilar.

Shuningdek, uchrashuvda aholini qiynayotgan dolzarb masalalar — ichimlik suvi, yo‘l infratuzilmasi, ta'lim muassasalari shart-sharoitlari bo'yicha o‘z fikr-mulohazalar va takliflar bildirildi.

Yakunida fuqarolar tomonidan berilgan savollarga ochiq muloqot asosida javoblar berildi. Ayrim masalalar bo‘yicha deputat tomonidan yozma tartibda so‘rovlar tayyorlanishi va ijrosi nazoratga olinishi bildirildi.