Xalq deputatlari Paxtakor tumani Kengashi deputati, tuman hokimi X.Abduvoxidov hamda tuman prokurori v.v.b. Z.Ne’matov boshchiligida “Korrupsiyaga qarshi kurashish to‘g‘risida”gi Qonuni talablarining hududda ijro etilishi hamda PQ-1 doirasida 3-chorak yakunlari bo‘yicha muhokamaviy yig‘ilish o‘tkazildi.

Korrupsiyaning oldini olish, korrupsiyaviy xavf-xatarlarni aniqlash va bartaraf etish, davlat organlari faoliyatida qonuniylik, ochiqlik va shaffoflikni ta’minlash borasida amalga oshirilayotgan ishlar tahlil qilindi.

Shuningdek, qonun talablarining amaliyotga tatbiq etilishi, mas’ullar tomonidan korrupsiyaga qarshi kurashish va uning oldini olish bo‘yicha ko‘rilayotgan choralar hamda mavjud kamchiliklarga e’tibor qaratildi.

Aniqlangan masalalar yuzasidan mas’ullarga tegishli tavsiya va ko‘rsatmalar berilib, qonun ijrosini ta’minlash bo‘yicha ishlarni yanada kuchaytirish zarurligi ta’kidlandi.