Xalq deputatlari Chilonzor tuman Kengashi deputati Nazirov Madaminjon Ma’rufjon o‘g‘li o‘z saylov okrugi hududidagi “Naqqoshlik” mahallasida nogironligi bo‘lgan fuqarolarga ko‘rsatilayotgan davlat xizmatlari holatini o‘rgandi.

Deputat tashrif davomida nogironligi bo‘lgan fuqarolar uchun davlat tomonidan yaratilgan imkoniyatlar, ko‘rsatilayotgan xizmatlarning sifatini shuningdek, ularning amaliyotdagi ijrosi bilan yaqindan tanishdi.

O‘rganish jarayonida fuqarolar bilan ochiq muloqot o‘tkazilib, ularning murojaatlari, taklif va mulohazalari tinglandi. Ayniqsa, davlat xizmatlaridan foydalanishda uchrayotgan muammolar, ijtimoiy qo‘llab-quvvatlash masalalari hamda xizmatlar sifatini yanada oshirishga oid takliflarga alohida e’tibor qaratildi.

Aniqlangan masalalar deputatlik nazoratiga olinib, ularni qonunchilik talablariga muvofiq hal etish hamda mas’ul tashkilotlar bilan hamkorlikda tegishli choralarni ko‘rish yuzasidan zarur tavsiyalar berildi.

Fuqarolarning huquq va manfaatlarini himoya qilish, ayniqsa, nogironligi bo‘lgan shaxslarni har tomonlama qo‘llab-quvvatlash hamda davlat xizmatlarining sifatini oshirish jamiyatning ustuvor yo‘nalishlaridan biri hisoblanadi.