Xalq deputatlari Boyovut tumani Kengashi kotibiyati binosida kotibiyat mudiri X. Berdiyarova, tuman hokimining o‘rinbosari K. Abdaliyev hamda O‘zbekiston Respublikasi Prezidenti Xalq qabulxonasining Boyovut tumani bo‘limi mudiri I. Xayitov ishtirokida ishchi uchrashuv bo‘lib o‘tdi.

Uchrashuv davomida fuqarolardan kelib tushayotgan murojaatlar bilan ishlash tizimi, ularni o‘z vaqtida ko‘rib chiqish, ijrosini samarali tashkil etish hamda mavjud muammolarni qonunchilik doirasida hal etish masalalari yuzasidan atroflicha fikr almashildi.

Shuningdek, murojaatlarda ko‘tarilayotgan dolzarb masalalar tahlil qilinib, ularning ijobiy yechimini ta’minlash, mutasaddi tashkilotlar o‘rtasidagi hamkorlikni yanada kuchaytirish hamda ijro intizomini mustahkamlash yuzasidan tegishli vazifalar belgilab olindi.

Uchrashuv yakunida fuqarolar murojaatlarini har tomonlama puxta o‘rganish, ularni o‘z vaqtida va sifatli hal etish bo‘yicha hamkorlikdagi ishlarni izchil davom ettirishga kelishib olindi.