O‘rganishlar davomida Termiz shahrining "Abdulla Avloniy" mahallasi, Alisher Navoiy ko‘chasi 23-sonli ko‘p qavatli turar joyida olib borilgan fasadni ta’mirlash ishlari belgilangan muddatlarda yakunlanmagani aniqlandi.

💬Ma’lum bo‘lishicha, ta’mirlash ishlari davomida pudratchi tashkilot bir necha marotaba almashgan bo‘lishiga qaramay, bugungi kunga qadar qurilish ishlari to‘liq yakuniga yetkazilmagan. Mazkur holat ko‘p qavatli uyda istiqomat qilayotgan fuqarolarning haqli e’tirozlariga sabab bo‘lmoqda.

💬Shu munosabat bilan ushbu muammoning sabablarini o‘rganish, mas’ul tashkilotlar va pudratchilar faoliyatiga huquqiy baho berish hamda ta’mirlash ishlarini qisqa muddatlarda yakunlash yuzasidan Termiz shahar hokimining o‘rinbosari B. Ergashov nomiga deputat so‘rovi yuborildi.

🔵Deputat so‘roviga muvofiq:

🟢ta’mirlash ishlari kechikishining sabablari chuqur o‘rganilishi;
🟢mas’ul tashkilotlar faoliyatiga qonuniy baho berilishi;
🟢qurilish-ta’mirlash ishlarini belgilangan loyiha va muddatlar asosida yakunlash;
🟢ko‘rilgan choralar yuzasidan Xalq deputatlari Termiz shahar Kengashiga belgilangan tartibda yozma ma'lumot taqdim etilishi so‘ralgan.

🫥Xalq deputatlari Termiz shahar Kengashi tomonidan Kengash qarorlari ijrosi hamda fuqarolar murojaatlarida ko‘tarilgan masalalar doimiy nazoratda bo‘lib, aniqlangan har bir muammo yuzasidan amaliy choralar ko‘rilishi ta’minlanadi.