Deputat S.A.Mironov va ushbu okrug deputati Z.I.Kavaev "Iykota" mahallasidagi "mahalla yettiligi" faoliyati bilan tanishdi

Xalq deputatlari Toshkent shahar Kengashi deputati S.A.Mironov va Xalq deputatlari Bektemir tumani Kengashi deputati Z.I.Kavaev mahallalarda aholi farovonligini ta’minlash va ijtimoiy masalalarni tizimli hal etish borasidagi ishlar bilan yaqindan tanishish maqsadida "Iykota" mahalla fuqarolar yig‘inida bo‘lishdi.

Tashrif davomida deputatlar mahalla raisi boshchiligidagi "mahalla yettiligi" (mahalla raisi, hokim yordamchisi, xotin-qizlar faoli va yoshlar yetakchisi) bilan uchrashib, ularning o‘zaro hamkorlikdagi ish faoliyatini atroflicha o‘rgandi.

Muloqotda quyidagi muhim yo‘nalishlar va ularning ijrosi tahlil qilindi:

"Mahalla yettiligi"ning hamjihatligi: Hududdagi ijtimoiy muammolarni "xonadonbay" o‘rganish va ularni manzilli hal etish tizimi;

Iqtisodiy va ijtimoiy ko‘mak: Aholi bandligini ta’minlash, kam ta’minlangan oilalarni qo‘llab-quvvatlash hamda tadbirkorlik tashabbuslariga ko‘maklashish;

Xavfsizlik va huquqbuzarlik: Mahallada tinchlik-osoyishtalikni saqlash va profilaktik tadbirlarning samaradorligi.