🤝 Madad NNT hamda xalq deputatlari shahar Kengashi o‘rtasida o‘zaro hamkorlikni yanada mustahkamlash maqsadida hamkorlik memorandumi imzolandi.

🔹Nurafshon shahar huquqiy maslahat byurosi N.Niyozov hamda xalq deputatlari shahar Kengashi o‘rtasida imzolangan mazkur memorandum fuqarolarning ijtimoiy-iqtisodiy muammolarini o‘rganish, aholining huquqiy madaniyatini oshirish, jamoatchilik nazoratini kuchaytirish hamda hududda amalga oshirilayotgan islohotlar samaradorligini ta’minlashga qaratilgan.

Tomonlar o‘zaro hamkorlik doirasida aholi murojaatlari bilan ishlashni tizimli tashkil etish, ijtimoiy himoyaga muhtoj qatlamlarni qo‘llab-quvvatlash, yoshlar va xotin-qizlar bandligini ta’minlashga qaratilgan qo‘shma loyihalarni amalga oshirish bo‘yicha kelishib oldilar.

Ushbu hamkorlik aholining huquqiy savodxonligini oshirish, jamoatchilik eshituvlarini tashkil etish, fuqarolik jamiyati institutlari va mahalliy vakillik organlari o‘rtasida samarali muloqotni yo‘lga qo‘yish rejalashtirilmoqda.