Xalq deputatlari Shahrisabz tuman Kengashi deputatlari Bakir Elboyev, Burxon Aliqulov hamda Ekologik partiya guruhi vakillarining “Miraki” hududidagi o‘rganishlari qat’iy nazorat ostida davom etmoqda.

Navbatdagi manzil — “Miraki” mahalla fuqarolar yig‘ini hamda hududdagi 36-sonli umumta’lim maktabi bo‘ldi. 

Deputatlar ijtimoiy soha obyektlarining bugungi holati bilan yaqindan tanishar ekanlar, mahalla hududida to‘planib qolgan noqonuniy axlat uyumiga duch kelishdi.

Ekologik holatning bunday ko‘rinishda bo‘lishi keskin e’tirozlarga sabab bo‘ldi. Mazkur muammoni zudlik bilan bartaraf etish hamda kelgusida takrorlanishining oldini olish maqsadida Ekologik partiya guruhi tomonidan mutasaddi tashkilotlarga deputatlik so‘rovi yuborilishi belgilandi.