Xalq deputatlari Amudaryo tumani Kengashi hamda “Madad” nodavlat notijorat tashkiloti o‘rtasida hamkorlik Memorandumi imzolandi. 

Mazkur Memorandumga muvofiq o‘z vakolatlari doirasida hamda O‘zbekiston Respublikasi qonunchiligiga binoan bir qator yo‘nalishlarda hamkorlik qiladilar: Jumladan,  

-aholiga yuridik xizmatlar ko‘rsatish; 

-mahalliy Kengashlar qarorlar va dasturlar loyihalarini birgalikda tayyorlash; 

-Kengash deputatlari va kotibiyati xodimlarining malakasini oshirib borish; 

-aholining huquqiy ongi va madaniyatini yuksaltirish. 

Mazkur Memorandumning yuqorida qayd etilgan hamkorlik sohalari quyidagi shakllarda amalga oshiriladi: 

-aholi uchun sayyor qabullar tashkil etish, xususan deputatlarning okruglarida saylovchilar bilan uchrashuvlarida birgalikda ishtirok etish; 

-ko‘ngilli yuristlarni jalb etish; 

-Kengash deputatlari va kotibiyat xodimlari uchun seminarlar, o‘quv mashg‘ulotlari va boshqa tadbirlar tashkil etish; 

-mahalliy Kengash va uning doimiy komissiyalarining nazorat sohasidagi vakolatlarini samarali amalga oshirishiga ko‘maklashish; 

-aholi o‘rtasida huquqiy ma’rifat hamda axborot-targ‘ibot tadbirlarini o‘tkazish ishlarini hamkorlikda amalga oshirilishi kuzda tutilgan.