Deputat o‘rganish davomida mahalla hududidagi 28-sonli davlat maktabgacha ta’lim tashkilotiga tashrif buyurdi. Deputat o‘z faoliyatini mahalliy Kengash deputatlari uchun belgilangan "24 ta eng muhim yo‘nalish" asosida tashkil etdi.
📝 Deputat bog‘chaning isitish qozonxonasi va texnik uskunalarini ko‘zdan kechirdi. Qish mavsumida bolajonlar uchun xonalarning issiqlik harorati me’yorda saqlanishi va energiya tejovchi texnologiyalardan foydalanish holati tahlil qilindi.

📚 Bog‘chadagi guruh xonalari, bolalarning ovqatlanish rasioni va mashg‘ulotlarning tashkil etilishi bilan tanishildi. O‘rganish davomida aniqlangan texnik kamchiliklarni bartaraf etish yuzasidan muassasa rahbariyatiga va tegishli tashkilotlarga tavsiyalar berildi. Muammolarning ijobiy yechimi bo‘yicha deputatlik nazorati o‘rnatildi.

 👥 Shuningdek, O.Lapasova mahalla faollari va aholi vakillari bilan ochiq muloqot o‘tkazdi. Suhbat davomida mahalla infratuzilmasini yaxshilash, ichki yo‘llar holati va ijtimoiy ehtiyojmand oilalarni qo‘llab-quvvatlash bo‘yicha "mahalla yettiligi" tomonidan amalga oshirilayotgan ishlar muhokama qilindi.