Xalıq deputatları Bozataw rayonlıq Keńesi sekretariatınıń bas qánigesi K. Aytmuratov "Qusqanataw" okruginde jaslar másláhát toparınıń aǵzası menen birgelikte jaslarǵa ajıratılǵan jer maydanlarınan paydalanıw jaǵdayın ornına shıqqan halda úyrendi.

Úyreniw dawamında jer maydanlarında alıp barılıp atırǵan jumıslar, eginlerdiń jaǵdayı jáne ajıratılǵan jerlerden nátiyjeli hám maqsetli paydalanıw máseleleri kózden ótkerildi. Sonıń ishinde, "Tóremurat, Atajan" korporativ diyqan xojalıǵı aymaǵında 15 jasqa ajıratılǵan jer maydanları úyrenildi. Házirgi kúnde bul jerlerde kartoshka, qawın hám palız eginleri jetistirilip atırǵanı, jaslar tárepinen agrotexnikalıq ilajlar óz waqtında ámelge asırılıp atırǵanı atap ótildi.

Sonday-aq, jerlerden jáne de únemli paydalanıw, zúráátlilikti arttırıw, eginlerdi sapalı tárbiyalaw hám mol zúráát alıw boyınsha jaslar menen sáwbet ótkerilip, tiyisli usınıs hám túsinikler berilip kelinbekte. 

Bunday úyreniwler jaslardıń bántligin támiyinlew, awıl xojalıǵı jumısın qollap-quwatlaw hám ajıratılǵan jer maydanlarınan aqılǵa uǵras paydalanıwdı támiyinlewge xızmet etedi.