Ushbu uch tomonlama oliy darajadagi uchrashuvda muhtaram Prezidentimiz tomonidan ilgari surilgan gumanitar aloqalarni kengaytirish, turizm va madaniy almashinuv dasturlarini yo‘lga qo‘yish tashabbuslarini to‘liq qo‘llab-quvvatlayman.
Xalqimiz madaniy merosi, urf-odatlari va qadriyatlari Turkmaniston va Ozarbayjon xalqlari bilan mushtarakdir. Turizm oqimini ko‘paytirish, ko‘rgazma va biznes forumlar tashkil etish, elektron platformalar va savdo maydonlarini birgalikda yaratish nafaqat iqtisod, balki xalqlar o‘rtasidagi do‘stlikni mustahkamlovchi vositadir.
Deputat sifatida, hududiy madaniy hamkorlikni chuqurlashtirish, yoshlar va ijodiy sohalarda almashinuvni kengaytirish yo‘lida zarur tashabbuslarni ilgari surishga tayyorman.

Kelajak – o‘zaro hamkorlik, ishonch va barqaror taraqqiyot asosida quriladi!

Xalq Deputatlari Zarbdor tuman Kengashi deputati
Sarimova Marg`uba Xamdamovna