Bugun 21-avgust soat 10-00da “Xo‘ja” MFYda Xalq deputatlari tuman Kengashi deputati, mahalla raisi va hokim yordamchisi, mahalla faollari, ko‘cha boshilari ishtirokida 22−23-avgust kunlari "Obod va xavfsiz mahalla − yurt ko‘rki" shiori ostida bo‘lib o‘tadigan umumxalq hayriya hasharini uyushqoqlik bilan o‘tkazish bo‘yicha targ‘ibot va tashviqot tadbirlari o‘tkazildi.

Xalq deputatlari Chinoz tumani Kengashi raisi, tuman hokimi Sherzod Salixov tomonidan Davlatimiz mustaqilligining 34 yilligi bayramiga munosib tayyorgarlik ko‘rish va kutib olish maqsadida o‘tkazilayotgan hasharni tashkil etish va o‘tkazish bo‘yicha berilgan topshiriq va ko‘rsatmalar mahalla fuqarolar yig‘ini Kengashi a’zolariga, mahalla faollari, ko‘cha boshilariga yetkazildi.

Mahallaning har bir ko‘chasida, tashkilotlar, savdo shaxobchalari atrofida va aholi gavjum joylarda hasharni uyushqoqlik bilan o‘tkazish bo‘yicha kelishib olindi.

Shuningdek, “Tashabbusli budjet” jarayonining 2025-yil 2-mavsum ovoz berish bosqichiga o‘tgan “Xo‘ja” mahallasidagi ko‘chalarga asfalt qoplamasini yotkizish bo‘yicha loyihaga ovoz berish bo‘yicha targ‘ibot va tushuntirish ishlari olib borildi.

Elyorjon Saidov,

Xalq deputatlari Chinoz tumani Kengashi deputati