Xalıq deputatları Bozataw rayonlıq Keńesi sekretariatı baslıǵı, 1-sanlı “Palwash ataw” deputatı Ibragimov Aziz Jalgasovich rayon aymaǵındaǵı baslamalı byudjet joybarında jeńilpaz bolǵan obektlerdi úyrenip shıqtı. 

Xabarıńız bar, “Baslamalı byudjet” procesiniń 2025-jıl 2-máwsiminde “Bozataw” PPJ aymaǵında jasawshı puqaralardıń awızbirshiligi nátiyjesinde, aymaqtaǵı “Q.Awezov”, “Erkin jaǵısı”, “I.Yusupov” hám “Shámenzar” kóshelerin asfaltlaw joybarı eń kóp dawıs toplap, jeńimpaz dep tabılǵan edi.

Búgingi kúnde bul kóshelerde qara qaplamalı asfalt jatqızıw jumısları tolıq alıp barıldı. Bul ózgerisler jergilikli xalıqtıń qatnawı ushın úlken qolaylıqlar jaratıp, aymaq abadanlıǵına múnásip úles qospaqta.

Bozataw rayonında xalıqtıń turmıs sharayatın jaqsılaw hám ishki jollardı abadanlastırıw baǵdarındaǵı jumıslar qızǵın dawam etpekte.