Dehqon mahallasida xonadonlarni o‘rganish davomida aniqlangan muammolar va ijtimoiy reyestrga kiritilgan oilalarni qo‘llab-quvvatlash masalalari mahalla yettiligi bilan birgalikda muhokama qilindi.

Muhokamada xalq deputatlari Navoiy viloyati va Karmana tumani Kengashlari deputatlari tomonidan ijtimoiy reyestrdagi oilalarning daromadlarini oshirish, bandligini ta’minlash hamda ularni kambag‘allikdan chiqarish bo‘yicha taklif va tavsiyalar bildirildi.

Jumladan, oilalarning mavjud imkoniyatlarini o‘rganish, mehnatga layoqatli a’zolarini ish bilan ta’minlash, daromad manbalarini shakllantirish va tadbirkorlik faoliyatiga jalb etish orqali ularning iqtisodiy barqarorligini mustahkamlash masalalariga alohida e’tibor qaratildi.

Shuningdek, har bir oilaning ijtimoiy holatidan kelib chiqib, muammolarni manzilli hal etish, mahalla yettiligi va deputatlar hamkorligini kuchaytirish hamda berilgan tavsiyalar ijrosini ta’minlash yuzasidan fikr almashildi.

Ushbu yo‘nalishdagi ishlar oilalarning farovonligini oshirish, ularning mustaqil daromad topish imkoniyatlarini kengaytirish va kambag‘allikni qisqartirishga qaratilgan.