Aholining kundalik hayotida qulay va xavfsiz harakatlanishini ta’minlash, ichki yo‘llarning holatini yaxshilash hamda mahallalarda yo‘l infratuzilmasini bosqichma-bosqich tartibga keltirish muhim vazifalardan biridir.

Xalq deputatlari Yangiobod tumani Kengashi deputati, Xalq deputatlari Jizzax viloyati Kengashi bosh mutaxassisi D.Tojiqulov tomonidan Do‘stlik MFY Gulobod ko‘chasida yo‘l infratuzilmasini yaxshilash maqsadida amalga oshirilayotgan shag‘al to‘kish va yo‘lni tartibga keltirish ishlari holati joyiga chiqqan holda o‘rganildi.

O‘rganish davomida ko‘chadagi yo‘lning amaldagi holati, shag‘al to‘kish ishlarining borishi, bajarilayotgan ishlarning belgilangan talablar asosida tashkil etilishi hamda yo‘lning transport vositalari va piyodalar harakati uchun qulayligini ta’minlash masalalariga e’tibor qaratildi.

Shuningdek, yo‘lni tekislash, shag‘alni belgilangan tartibda yoyish va zichlashtirish, ishlarni sifatli amalga oshirish hamda mavjud kamchiliklarni o‘z vaqtida bartaraf etish bo‘yicha mas’ullarga taklif kiritildi.

Mazkur ishlarning sifatli yakunlanishi natijasida Gulobod ko‘chasida aholi uchun yanada qulay va xavfsiz harakatlanish sharoitlarini yaratish ko‘zda tutilgan. Yo‘l infratuzilmasini yaxshilash bo‘yicha amalga oshirilayotgan ishlar deputatlik nazorati asosida o‘rganib borilmoqda.