Xalq deputatlari Yangiobod tumani Kengashi deputati H.Qudratov tomonidan hududdagi muammolarni bartaraf etish hamda fuqarolar va yosh avlod xavfsizligini ta’minlash maqsadida Yangiobod tuman yo‘llardan foydalanish davlat muassasasiga deputatlik so‘rovi yuborilgan edi.

Ushbu so‘rovda "Do‘stlik" MFY, Pastkichaqir qishlog‘i hududidan o‘tuvchi 25V 026-sonli “Pastkichaqir q. – Balandchaqir q. – Xo‘jamushkent q.” avtomobil yo‘lining 1–2-kilometri oralig‘ida joylashgan 6-sonli maktabgacha ta’lim tashkiloti oldidagi yo‘l qismida yo‘l harakati xavfsizligini ta’minlash masalasi ko‘tarilgan.

Murojaat asosida tuman yo‘llardan foydalanish davlat muassasasi xodimlari tomonidan joyiga chiqqan holda o‘rganish ishlari olib borildi va qisqa fursatda amaliy chora-tadbirlar belgilandi.

O‘rganishlar natijasiga ko‘ra, hududda quyidagi ishlar bajarildi: — Transport vositalarining harakat tezligini majburiy kamaytirish va xavfni bartaraf etish maqsadida sun’iy yo‘l notekisligi o‘rnatildi; — Haydovchilar e’tiborini jalb qilish uchun 5.48 "Baland piyodalar o‘tish joyi" yo‘l belgisi o‘rnatildi; — Piyodalar harakatlanishi uchun 1.14.1 va 1.14.2 "Piyodalar o‘tish joyi" yo‘l chiziqlari chizildi.

Amalga oshirilgan ushbu ishlar transport vositalari harakatini tartibga solish bilan birga, eng muhimi — bog‘cha tarbiyalanuvchilarining maktabgacha ta’lim tashkilotiga qatnashidagi xavfsizligini ta’minlashga xizmat qiladi