Xalq deputatlari Qo‘qon shahar Kengashi deputati M.Axmedova tomonidan o‘z saylov okrugi hududiga qarashli “G‘alchasoy” mahalla fuqarolar yig‘inida Ijtimoiy reyestrga kiritilgan aholi xonadonlarida o‘rganish ishlari olib borildi.

O‘rganishlar davomida Istirohat ko‘chasi 4-uyda istiqomat qiluvchi fuqaro G.Radjabova xonadoniga tashrif buyurilib, oilaning ijtimoiy sharoiti va mavjud ehtiyojlari o‘rganildi.

Ma’lum bo‘lishicha, fuqaro II guruh nogironi bo‘lib, oilasiga moddiy yordam ko‘rsatilmoqda. Shuningdek, “Saxovat va ko‘mak” jamg‘armasi tomonidan vaucher ajratilib, undan oziq-ovqat va kiyim-kechak xarid qilish uchun foydalanilgan.

Bundan tashqari, fuqaroning uy-joy sharoitini yaxshilash maqsadida “Ayollar daftari” orqali 20 million 600 ming so‘mlik qurilish materiallari olib berilib, uy ta’mirini amalga oshirish uchun amaliy yordam ko‘rsatilgan.

Xalq deputatlari Qo‘qon shahar Kengashi