31-sonli maktabda sinf xonalarini to‘liq videokuzatuv kameralari bilan jihozlash holati o‘rganildi

Xalq deputatlari Namangan shahar Kengashi Kotibiyati mudiri
N. Ubaydullayev tomonidan 31-sonli umumiy o‘rta ta’lim maktabida sinf xonalarini to‘liq videokuzatuv kameralari bilan jihozlash masalasi o‘rganildi.

O‘rganish davomida maktabdagi mavjud videokuzatuv tizimi, sinf xonalarining kameralar bilan qamrab olinganlik darajasi hamda ta’lim muassasasida xavfsiz muhitni ta’minlash bo‘yicha amalga oshirilayotgan ishlar ko‘rib chiqildi.

Mazkur yo‘nalish Mahalliy Kengash deputati faoliyatining eng muhim yo‘nalishlari bo‘yicha 24 talik tavsiyalar hamda Kengashning
162 ta qonun hujjatini doimiy komissiyalar kesimidagi taqsimoti doirasida o‘rganilib, ta’lim muassasasida xavfsizlikni ta’minlash va o‘quvchilar uchun qulay shart-sharoitlar yaratish masalalariga alohida e’tibor qaratildi.

O‘rganish yakunlari bo‘yicha maktabdagi barcha sinf xonalarini videokuzatuv tizimi bilan to‘liq qamrab olish imkoniyatlarini ko‘rib chiqish, mavjud tizimni takomillashtirish hamda aniqlangan masalalar yuzasidan tegishli takliflarni shakllantirish belgilab olindi.