Shu maqsadda Xalq deputatlari Qumqo‘rg‘on tuman Kengashi kotibiyati mudiri, deputat Sh. Abdusamatov tomonidan mahalliy Kengash deputati faoliyatining eng muhim yo‘nalishlari bo‘yicha 24 ta tavsiyaning 5-yo‘nalishi — «Hududdagi madaniyat muassasalari va muzeylar, kutubxonalar holati» yuzasidan tumandagi 68-sonli madaniyat markazi faoliyati o‘rganildi.

O‘rganish jarayonida madaniyat markazida aholi uchun yaratilgan sharoitlar, mavjud moddiy-texnik baza, madaniy-ma’rifiy tadbirlar va to‘garaklar faoliyati, shuningdek, yoshlarni madaniyat va san’atga keng jalb etish borasidagi ishlarga alohida e’tibor qaratildi.

Madaniyat markazi faoliyatini yanada takomillashtirish, mavjud imkoniyatlardan samarali foydalanish va aholiga sifatli madaniy xizmat ko‘rsatish bo‘yicha mas’ullarga tegishli tavsiyalar berildi.

Madaniyat — jamiyat ma’naviy hayotining muhim tayanchi. Uni rivojlantirish va aholi uchun munosib sharoitlar yaratish doimiy e’tiborda.