Bugungi kunda aholining tabiiy gazdan foydalanishi bilan bog‘liq murojaatlarini o‘z vaqtida ko‘rib chiqish, mavjud tarmoqlarning barqaror ishlashini ta’minlash hamda kuz-qish mavsumida yuzaga kelishi mumkin bo‘lgan muammolarning oldini olish dolzarb vazifalardan biridir.

Shu maqsadda Xalq deputatlari Yangiobod tuman Kengashining Korrupsiyaga qarshi kurashish va xavfsizlik hamda Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi G. Raimova tomonidan Yangiobod tuman gaz ta’minoti bo‘limi faoliyatiga e’tibor qaratildi.

Tashrif davomida bo‘limning aholi bilan ishlash tizimi, fuqarolardan kelib tushayotgan murojaatlarni ko‘rib chiqish, gaz tarmoqlarining holati, mavjud muammolarni bartaraf etish hamda iste’molchilarga xizmat ko‘rsatish jarayonlari yuzasidan mas’ullar bilan fikr almashildi.

Shuningdek, kuz-qish mavsumida gaz ta’minotining barqarorligini ta’minlash, nosozliklarning oldini olish, yuzaga keladigan muammolarga tezkor choralar ko‘rish va tabiiy gazdan xavfsiz foydalanish bo‘yicha tushuntirish ishlarini kuchaytirish masalalariga alohida e’tibor qaratildi.

Yakunda xizmat ko‘rsatish sifatini oshirish, aniqlangan masalalarni o‘z vaqtida bartaraf etish hamda aholi murojaatlari bilan ishlash samaradorligini ta’minlash yuzasidan tegishli tavsiyalar berilib, mas’ullarga vazifalar belgilandi.