#deputat_faoliyati
#24_ta_tavsiyalar_ijrosi

Bandixon tumanida deputatlik nazorati: "Bag‘rikeng" mahallasida amalga oshirilayotgan ishlar tahlil qilindi

Bandixon tumanida mahallalarni kompleks rivojlantirish, infratuzilmani yaxshilash hamda joylardagi islohotlar ijrosini ta’minlash borasida tizimli nazorat tadbirlari amalga oshirilmoqda.

Xalq deputatlari Bandixon tumani Kengashining 11-Bag‘rikeng saylov okrugi deputati J.Abdinazarov hamda tuman Kengashi kotibiyati bosh mutaxassisi E.Eshonqulov "Bag‘rikeng" mahallasida bo‘ldilar.

Tashrif davomida mahalla raisi tomonidan hududni obodonlashtirish, ichki yo‘llar va kommunal tarmoqlarni yaxshilash, "Mahalla yettiligi" faoliyatini muvofiqlashtirish hamda aholi bandligini ta’minlash borasida amalga oshirilayotgan ishlar atroflicha tahlil qilindi.

Tahliliy muhokamalar yakunida mahallada amalga oshirilayotgan bunyodkorlik ishlarini yanada jadallashtirish, aholining murojaatlarini tezkor hal etish hamda belgilangan vazifalar ijrosini ta’minlash yuzasidan mas’ullarga tegishli ko‘rsatmalar berildi.