Xalq deputatlari Yangiobod tuman Kengashi deputati G. Raimova tomonidan 7-sonli umumiy o‘rta ta’lim maktabida tashkil etilgan issiqxona faoliyati ko‘zdan kechirildi.

Tashrif davomida issiqxonada ekilgan limon ko‘chatlarining holati, ularni parvarishlash jarayoni hamda issiqxonadan samarali foydalanish imkoniyatlari bilan tanishildi.

Issiqxonada limon ko‘chatlarini yetishtirish orqali maktab hududidan unumli foydalanish, o‘quvchilarda mehnat ko‘nikmalarini shakllantirish hamda ularni tabiatga ehtiyotkorona munosabat ruhida tarbiyalashga alohida e’tibor qaratilmoqda.

Deputat tomonidan issiqxonadagi limon ko‘chatlarini muntazam parvarishlash, agrotexnik tadbirlarni o‘z vaqtida amalga oshirish va issiqxona imkoniyatlaridan yanada samarali foydalanish yuzasidan mas’ullarga tegishli tavsiyalar berildi.

Bunday tashabbuslar maktab hududidan samarali foydalanish bilan birga, o‘quvchilarni mehnatsevarlik va amaliy ko‘nikmalarga o‘rgatishda ham muhim ahamiyat kasb etadi.