АҲОЛИНИНГ ЭЛЕКТР ТАЪМИНОТИ БИЛАН БОҒЛИҚ МУРОЖААТИ ЎРГАНИЛДИ
Халқ депутатлари Янгиқўрғон тумани Кенгаши котибияти мудири Эргашева Мунисхон Рустамбековна томонидан Нурафшон сайлов округида жойлашган маҳаллада кўчама-кўча ўрганиш ишлари олиб борилди.
Ўрганиш жараёнида аҳолининг электр энергияси таъминоти ва трансформатор қуввати билан боғлиқ мурожаати жойида ўрганилди.
Маълум бўлишича, дастлаб 60 та хонадонга хизмат кўрсатиш учун мўлжалланган трансформаторга ҳозирги кунда 140 та хонадон уланган. Бунинг натижасида электр тармоғига тушаётган юклама ортиб, хонадонларда электр кучланишининг пасайиши кузатилмоқда.
Мазкур муаммони бартараф этиш, трансформатор қувватини ошириш ёки қўшимча трансформатор ўрнатиш масаласини кўриб чиқиш учун мурожаат тегишли мутасадди ташкилотга йўналтирилиши белгиланди.
Аҳоли томонидан билдирилган мурожаатнинг ижобий ҳал этилиши Кенгаш котибияти томонидан назоратга олинди.