Xalq deputatlari Bag‘dod tumani Kengashining "8-Qaroqchitol" saylov okrugi deputati O.Gaziyev hamda Kengash kotibiyati bosh mutaxassisi A.Ismoilov bilan birgalikda "Qorovultepa" mahalla fuqarolar yig‘inida aholini qiynab kelayotgan muammolar joyiga chiqib o‘rganildi.

O‘rganish davomida mahallaning Xazina ko‘chasida ichimlik suvi ta’minoti bilan bog‘liq mavjud holat ko‘zdan kechirildi. Aniqlanishicha, mazkur ko‘chadagi xonadonlarni markazlashgan ichimlik suvi bilan to‘liq ta’minlash uchun 2 kilometr uzunlikdagi ichimlik suvi tarmog‘ini tortish zarur.

Shuningdek, ushbu infratuzilma loyihasini amalga oshirish orqali ko‘cha aholisining ichimlik suvi bilan bog‘liq muammosini bartaraf etish imkoniyati mavjudligi qayd etildi.

O‘rganish yakunida mazkur masalani tegishli dasturlarga kiritish hamda zarur amaliy choralarni ko‘rish yuzasidan deputatlik nazoratiga olinib, uning natijadorligi yuzasidan muntazam monitoring olib boriladi.