BARQAROR BANDLIK VA AHOLI DAROMADLARINI OSHIRISH — DEPUTATLIK NAZORATIDA

🇺🇿 O‘zbekiston Respublikasi Prezidentining 2026-yil 11-sentabrdagi PF–193-son Farmoni bilan hududlarda barqaror ish o‘rinlarini yaratish, kichik biznes va tadbirkorlikni rivojlantirish, aholi daromadlarini oshirish hamda kambag‘allikni qisqartirishga qaratilgan muhim vazifalar belgilandi.

📋 Mazkur vazifalar ijrosi yuzasidan mahalliy Kengashlar tomonidan deputatlik nazoratini amalga oshirish bo‘yicha tavsiyalar asosida Xalq deputatlari Pastdarg‘om tumani Kengashi deputatlari tomonidan amaliy ishlar boshlandi.

👥 Deputatlar tomonidan mahallalarda:
🔹 “Mahalla yettiligi” a’zolari;
🔹 nuroniylar;
🔹 oqila ayollar;
🔹 otinoyilar;
🔹 mahalla faollari
ishtirokida ishchi guruhlar shakllantirildi.

🎯 Ishchi guruhlarning asosiy vazifasi — mahallalarda aholining bandligini ta’minlash, doimiy va barqaror daromad manbalarini yaratish, tadbirkorlik tashabbuslarini qo‘llab-quvvatlash, ishsiz va daromadi past oilalarni aniqlash hamda ularni kambag‘allikdan chiqarish bo‘yicha amalga oshirilayotgan ishlarni o‘rganish va deputatlik nazorati asosida tahlil qilishdan iborat.

🤝 Deputat + “Mahalla yettiligi” + mahalla faollari hamkorligi orqali har bir hududdagi mavjud muammolarni aniqlash, aniq takliflar ishlab chiqish va ularning ijrosini nazorat qilishga alohida e’tibor qaratiladi.

📍 Asosiy maqsad — mahallalarda bandlikni ta’minlash, oilalarning doimiy daromad manbaini shakllantirish va kambag‘allikni qisqartirishga qaratilgan amaliy natijalarni ta’minlash.