QATORTERAK MAHALLASIDA YO‘LLAR ASFALTLANADI
🇺🇿 Xalq deputatlari Pastdarg‘om tumani Kengashining 2026-yil 10-sentabrdagi VII-34-115-7-101-K/26-son qarori bilan “Fuqarolar tashabbusi” jamg‘armasi mablag‘i hisobidan Qatorterak mahallasidagi ichki yo‘llarni asfaltlashtirish loyihasiga mablag‘ ajratildi.
📍 Qatorterak MFY aholisi tomonidan ilgari surilgan loyiha “Fuqarolar tashabbusi” jarayonida 10 989 ta ovoz to‘plab, g‘olib takliflar qatoridan joy oldi.
🔹 Loyiha mazmuni: Naymanobod, Bodomzor, A. Rudakiy va Navquron ko‘chalariga asfalt yotqizish;
🔹 Ajratilgan mablag‘: 1 631 250,0 ming so‘m;
🔹 Moliyalashtirish manbasi: “Fuqarolar tashabbusi” jamg‘armasi;
🔹 Buyurtmachi: Samarqand mintaqaviy yo‘llarga buyurtmachi DM;
💰 Ajratilgan 1 milliard 631 million 250 ming so‘m mablag‘ evaziga mahalla ko‘chalarini obodonlashtirish va yo‘l infratuzilmasini yaxshilashga qaratilgan ishlar amalga oshiriladi.
🤝 Fuqarolar tashabbusi — xalqning ovozi va tashabbusi amaliy natijaga aylanayotganining yorqin namunasi.