Xalq deputatlari Angor tumani Kengashi deputati, 18-Yangi turmush saylov okrugi deputati Sevara Yuldashova tomonidan hududdagi qurilish obyektlarida olib borilayotgan ishlar o‘rganildi.

O‘rganish davomida qurilish jarayonlarining belgilangan loyiha va me’yoriy talablarga muvofiqligi, ishlarning sifati hamda bajarilish sur’atlariga alohida e’tibor qaratildi.

Shuningdek, qurilish obyektlarida aniqlangan mavjud muammolar va kamchiliklar yuzasidan mas’ullarga tegishli tavsiyalar berilib, belgilangan vazifalarning o‘z vaqtida va sifatli bajarilishi bo‘yicha deputatlik nazorati olib borilishi ta’kidlandi.

🤝 Bunday nazorat tadbirlari hududlarda qurilish ishlarining sifatli tashkil etilishi, obodonlashtirish va infratuzilma obyektlarining zamonaviy talablarga javob berishini ta’minlashga xizmat qiladi.