Tog‘li hududlardagi o‘rganishlar izchil davom etmoqda

Kitob tumani hokimi Rustam Gafurov boshchiligidagi mas’ullar tomonidan tog‘li hududlarda olib borilayotgan o‘rganishlar davom etmoqda.

Navbatdagi manzillar sifatida Aspiduxtar hamda tumanning eng chekka hududlaridan biri hisoblangan Shut qishloqlarida aholi bilan uchrashuvlar o‘tkazildi. Muloqotlar davomida fuqarolar tomonidan yo‘l infratuzilmasi, elektr ta’minoti, ijtimoiy soha va boshqa dolzarb masalalar yuzasidan taklif hamda murojaatlar bildirildi.

Har bir murojaat tegishli tartibda qayd etilib, ularni ijobiy hal etish bo‘yicha mas’ul tashkilot va idoralar rahbarlariga aniq topshiriqlar berildi. Hududlarni kompleks rivojlantirish, aholi uchun munosib turmush sharoitlarini yaratish hamda mavjud muammolarni joyida o‘rganib, amaliy yechimlar ishlab chiqish borasidagi ishlar izchil davom ettirilmoqda.


KENGASH_FAOLIYATI