Xalq deputatlari Qo‘qon shahar Kengashi deputati X.Abdullayev tomonidan o‘z saylov okrugi hududiga qarashli “Mingtut” mahalla fuqarolar yig‘inida hokim yordamchisi Y.Soliyevning O‘zbekiston Respublikasining 2012-yil 26-apreldagi O‘RQ-327-sonli “Oilaviy tadbirkorlik to‘g‘risida”gi hamda 2012-yil 2-maydagi O‘RQ-328-sonli “Tadbirkorlik faoliyati erkinligining kafolatlari to‘g‘risida”gi Qonunlari ijrosi yuzasidan amalga oshirayotgan ishlari o‘rganildi.

O‘rganish davomida mahalla hududida oilaviy tadbirkorlikni rivojlantirish, yangi ish o‘rinlarini yaratish va aholi bandligini ta’minlash borasida olib borilayotgan ishlar tahlil qilindi. Xususan, hokim yordamchisi ko‘magida hududda faoliyat yuritayotgan 2 nafar yakka tartibdagi tadbirkorga jami 80 million so‘m miqdorida imtiyozli kredit ajratilgani, ushbu mablag‘lar hisobidan ularning savdo faoliyatini kengaytirish va xizmat ko‘rsatish yo‘nalishlarini rivojlantirish ishlari yo‘lga qo‘yilgani qayd etildi.

Shuningdek, tadbirkorlar bilan uchrashuv davomida O‘zbekiston Respublikasi Prezidentining tegishli qarorlariga muvofiq 2026-yil 1-iyuldan boshlab savdo va xizmat ko‘rsatish sohasida hisob-kitoblarni QR-kod orqali amalga oshirish tartibi yuzasidan batafsil tushuntirishlar berildi. Tadbirkorlarga QR-kod orqali to‘lovlarni qabul qilishning afzalliklari, moliyaviy shaffoflikni ta’minlash hamda zamonaviy raqamli xizmatlardan samarali foydalanish bo‘yicha tavsiyalar berildi.

Bundan tashqari, tadbirkorlar bilan amaldagi qonunchilikda belgilangan imtiyoz va preferensiyalardan foydalanish imkoniyatlari, murojaatlarni ko‘rib chiqish tartibi, davlat tomonidan yaratilayotgan qulay biznes muhiti hamda oilaviy tadbirkorlikni yanada rivojlantirish istiqbollari yuzasidan fikr almashildi.

Xalq deputatlari Qo‘qon shahar Kengashi