Коммунал хизматлар сифати — депутатлик назоратида

Аҳолини ичимлик суви, электр энергияси ва табиий газ билан барқарор таъминлаш, коммунал хизматлар кўрсатиш сифати ҳамда соҳадаги мавжуд муаммоларни ўрганиш мақсадида Халқ депутатлари Конимех туман Кенгаши раиси А.Худайбердиев ҳамда Кенгаш котибияти мудири А.Жайнаров Конимех туман газ таъминоти бўлимида бўлдилар.

Ташриф давомида аҳолини табиий газ билан таъминлаш ҳолати, мурожаатлар билан ишлаш тизими, авариявий ҳолатларни бартараф этиш, истеъмолчиларга кўрсатилаётган хизматлар сифати ҳамда куз-қиш мавсумига тайёргарлик юзасидан амалга оширилаётган ишлар кўриб чиқилди.

Шунингдек, аҳолини газ  билан таъминлаш соҳаларидаги долзарб масалалар ҳам муҳокама қилиниб, коммунал хизмат кўрсатувчи ташкилотлар билан ўзаро ҳамкорликни янада кучайтириш, аҳоли мурожаатларини тезкор ва самарали ҳал этиш ҳамда хизматлар сифатини ошириш бўйича масъулларга тегишли таклиф ва тавсиялар берилди.