Mektepke shekemgi bilimlendiriw shólkemindegi sharayatlar úyrenildi

Xalıq deputatları Bozataw rayonlıq Keńesiniń 12-sanlı "Aspantay" saylaw okrugi deputatı G.Jumanazarova óz saylaw okrugi aymaǵında jaylasqan 12-sanlı mektepke shekemgi bilimlendiriw shólkemine barıp, ol jerde jaratılǵan sharayatlardı úyrendi.

Úyreniw dawamında tárbiyalanıwshılar ushın jaratılǵan qolaylı sharayatlar, balalarǵa tarqatılıp atırǵan azıq-awqat ónimleriniń sapası, awqat tayarlaw hám saqlaw processleri, sonday-aq, balalardıń dem alıw hám oyın maydanshalarınıń tazalıǵı jáne sanitariyalıq jaǵdayı kózden ótkerildi.

Deputat mákeme jumısı menen jaqınnan tanısıp, bar sharayatlardı jáne de jaqsılaw, balalar ushın qáwipsiz hám qolaylı ortalıqtı támiyinlew, sanitariyalıq-gigienalıq talaplarǵa qatań ámel etiw boyınsha óz usınısların bildirdi.

Bul úyreniwler mektepke shekemgi bilimlendiriw sistemasında tálim-tárbiya sapası hám balalar ushın jaratılıp atırǵan sharayatlardı bunnan bılay da jetilistiriwge xızmet etedi.