Deputatlik so‘rovi “Xalq deputatlari viloyat, tuman va shahar Kengashi deputatining maqomi to‘g‘risida”gi O‘zbekiston Respublikasi Qonunining 8-moddasi talablariga muvofiq tarzda tayyorlanib, Toshkent viloyati transport boshqarmasi  boshlig‘i nomiga yo‘naltirildi.

💬 So‘rovda qayd etilishicha, Olmaliq shahri aholisidan jamoat transporti xizmati sifati, yo‘nalishli taksi va avtobuslarning qatnov grafiklari hamda yo‘l haqi miqdorlari yuzasidan ko‘plab murojaatlar kelib tushmoqda.

💬 Deputatlik so‘rovida aholini qiynayotgan quyidagi asosiy masalalarga qonuniy tushuntirish va amaliy yechim talab qilingan.
-yo‘nalishli transportlarning belgilangan vaqt intervallariga rioya etmasligi,
- yo‘l haqining asossiz oshirilishi yoki belgilangan tariflarga amal qilinmaslik holatlari,
- transport vositalarining texnik holati va yo‘lovchilarga ko‘rsatilayotgan xizmat darajasi.

Shuningdek, u deputatlik so‘roviga javob qaytarishda qonun talablari asosida masalaga jiddiy e’tibor qaratish lozimligini eslatib o‘tdi. Ma’muriy javobgarlik to‘g‘risidagi Kodeksning 193-moddasiga binoan, deputat so‘rovini ko‘rib chiqmasdan qoldirish yoki uni kechiktirish, yoxud bila turib noto‘g‘ri ma’lumot taqdim etish holatlari uchun mansabdor shaxslarga jarima qo‘llanilishi belgilangan.

🔻 Mazkur deputatlik so‘rovi  natijasida viloyat transport boshqarmasining rasmiy munosabati olinadi va shahardagi jamoat transporti tizimini tartibga solish bo‘yicha aniq choralar ko‘riladi.