Olmaliq shahar "Olmaliqovul" mahallasida navbatdagi o‘rganish ishlari olib borildi. O‘zbekiston Ekologik partiyasidan saylangan deputat Nargiza Atakulova hamda Kotibiyatdan biriktirilgan bosh mutaxassis Mukarram Nematullayeva tomonidan mahalla ijtimoiy xodimi faoliyati o'rganildi.

📊Mahalladagi ehtiyojmand oilalar, nogironligi bor fuqarolar, yolg‘iz keksalar hamda vasiylikka olingan bolalarga ko‘rsatilayotgan ijtimoiy yordamlar, ularning asoslantirilgan hujjatlari deputat tomonidan batafsil ko‘zdan kechirildi.

Uchrashuv davomida deputat tashabbusi bilan hal etilgan masalalar aholi tomonidan alohida e’tirof etildi. Xususan, o‘tgan yili yolg‘iz ona, 37 yoshli nogironligi bo‘lgan farzandi bor fuqaroning murojaati ijobiy yechim topgan edi. Deputatning "Inson" ijtimoiy xizmatlar markaziga qilgan deputatlik murojaati natijasida fuqaro zamonaviy nogironlik aravachasi bilan ta’minlangan.

🤝Bugungi muloqotda fuqarolarning deputatga bo‘lgan yuksak ishonchi yana bir bor namoyon bo‘ldi. Mana shu ishonchni oqlash maqsadida 2026-yilda ham ijtimoiy himoyaga muhtoj qatlamni qo‘llab-quvvatlash borasida yangi, xayrli tashabbuslarni amalga oshirish maqsadida deputat va mas'ul xodimi bilan kelgusi ishlarni rejalashtirib oldi.

✅"Bizning maqsadimiz — qog‘ozdagi hisobotlar emas, balki har bir insonning hayotida ijobiy o‘zgarish yasashdir."