Bo‘lib o‘tgan yig‘ilishda “Turon” mahallasi faollari, Xalq deputatlari Mirzo Ulug‘bek tumani Kengashi Kotibiyati kotibiyat bosh mutaxassisi, “MADAD” NNT bosh mutaxassisi, tumanda xizmat ko‘rsatuvchi kommunal xizmat va tibbiyot vakillari ishtirok etishdi.

Deputat J.Gulamov o‘z axborotida 2026-yilning 2-choragi davomida tuman Kengashining sessiyasi va doimiy komissiyalar yig‘ilishlarida ko‘rib chiqilgan masalalar hamda aholi turmush tarzini yaxshilash va ijtimoiy-iqtisodiy sohalar infratuzilmasiga qaratilgan qarorlar bo‘yicha kiritilgan takliflari,  7 marotaba sayyor qabullar tashkil etilgani, murojaatlarni hal etish maqsadida mutasaddi tashkilotlarga 3 ta deputatlik so‘rovi yuborilganligi hamda fuqarolar murojaatlari yuzasidan qilingan amaliy ishlar haqida ma’lumot berib o‘tdi.

“Obod mahalla” dasturi doirasida “Turon” mahallasi hududida olib borilayotgan ishlar xaqida to‘xtalib,  hududda 80 m eskirgan suv tarmog‘i hamda 1 ta gaz taqsimlash punkti mukammal  ta’mirlanganini xam aytdi.

Shuningdek, deputatlik nazorati doirasida aholi murojaatlari bilan ishlash samaradorligini oshirish, infratuzilma loyihalarini davom ettirish, ijtimoiy himoyaga muhtoj aholini qo‘llab-quvvatlash va tadbirkorlikni rivojlantirishga alohida e’tibor qaratilishi ma’lum qilindi.

Uchrashuv yakunida deputat J.Gulamov 3-chorakda belgilangan vazifalarni izchil davom ettirish va mahallada aholi bilan ishlash samaradorligini yanada oshirish uning asosiy vazifasi ekanligini ta’kidladi.