Bugun Xalq deputatlari Andijon shahar Kengashi raisi R. Ziyayev, kotibiyat mudiri B. Mo‘ydinov hamda Korrupsiyaga qarshi kurashish va xavfsizlik masalalari bo‘yicha doimiy komissiya raisi A. Appaqov fuqaro murojaatini ko‘rib chiqdi.

Murojaatda 1998-yilda tug‘ilgan farzandi bo‘yicha sud jarayonlari davom etayotgani ma'lum qilinib, oilaviy sharoitini inobatga olgan holda amaliy yordam ko‘rsatish so‘raldi.

Muhokama davomida sud-huquq masalalari yuzasidan zarur huquqiy tushuntirishlar berildi. Jumladan, fuqaroning 30 yoshga to‘lmaganligi hamda qaramog‘ida bir nafar farzandi borligi himoyachi advokat tomonidan sud jarayonida albatta ma'lum qilinishi lozimligi ta'kidlandi.

Fuqarolar murojaatlarini qonunchilik doirasida ko‘rib chiqish ishlari davom etmoqda.